Praba's suiside attempt
Posts
එල්ටීටීඊ ග්‍රහණයේ සිටින ජනතාවට ආහාර යැවීම නැව් මගින්
එල්ටීටීඊ සංවිධානයේ මිනිස් පලිහක්ව තබා ගෙන සිටින මුලතිව් ජනතාවට අත්‍යවශ්‍ය ආහාර ද්‍රව්‍ය ගොඩබි‍ම් මාර්ගයෙන් යැවීමේදී සිදු වන ප්‍රමාදය මෙන්ම අපහසුතා හේතුවෙන් එම ජනතාවට අවශ්‍ය ආහාර ද්‍රව්‍ය වහාම මුහුදු මාර්ගයෙන් අද (17) දිනම පිටත් කර යැවීමට ජනාධිපති මහින්ද රාජපක්ෂ මහතා උපදෙස් ලබා දුන් බව නැවත පදිංචි කිරීම හා ආපදා සහන සේවා අමාත්‍ය රිෂාඩ් බදියුදීන් මහතා අද පැවති මාධ්‍ය සාකච්ඡාවකදී පැවසීය. ආහාර ද්‍රව්‍ය මෙට්‍රික් ටොන් 40ක් රැගත් නැවක් අද පස්වරු 8.00ට ත්‍රිකුණාමලය වරායෙන් පිටත් වීමට නියමිත බව අමාත්‍යවරයා පැවසීය. ජනාධිපති ජ්‍යෙෂ්ඨ උපදේශක බැසිල් රාජපක්ෂ මහතාගේ සභාපතිත්වයෙන් පැවති උතුරේ අවතැන්වූවන්ට සහන සැලසීමේ කමිටු රැස්වීමේදී මෙම තීරණය ගෙන තිබේ. අමාත්‍යවරයා ප්රකාශ කළේ මේ විට මුලතිව් අවතැන් වූ ජනතාවට ආහාර ද්‍රව්‍ය මෙට්‍රික් ටොන් 1801ක් යවා තිබෙන බවයි. එසේම මෙම නැව නැවත පැමිණෙන විට එම ප්‍රදේශවල සිටින රෝගීන් ප්රතිකාර සඳහා රැගෙන ඒම සිදු වන බව ද අමාත්‍යවරයා සඳහන් කළේය. මුලතිව් අතිරේක දිසාපති හා රතු කුරුස සංවිධානයේ මැදිහත් වීමෙන් මෙම ආහාර ජනාතවට බෙදා දීම සිදු වේ. වව්නියාවේ අවතැන්ව සිටින පිරිස
විශ්වමඩු ප්රදේශයෙන් යුද උපකරණ රැසක් සොයාගනී මෑතකදී මුදාගත් විශ්වමඩු ප්රදේශයේ සෝදිසි මෙහෙයුම් වල නිරත 571, 572, හා 574 බළ සේනාංක වලට අයත් රණ විරුවන් විසින් ත්‍රස්තවාදීන්ට අයත් විශාල අවි ආයුධ හා වාහන තොගයක් සොයා ගැනීමට හැකිවී තිබේ. විශ්වමඩු ප්රදේශයේ සෝදිසි මෙහෙයුමේ නිරත 571 වන බල සේනාංකය විසින් ත්‍රස්තවාදීන් විසින් පළා යාමේදී අත්හැරදමා ගිය පහත සඳහන් උපකරණ සොයා ගැනීමට ඊයේ (පෙබ. 16) සමත්විය. උපකරණ ප්‍රමාණය යුද ටැංකි නාශක බෝම්බ 01 ආර්පීජී බෝම්බ 14 ක්ලේමෝ බෝම්බ 01 ටී-56 පතරොම් 6250 අත් බෝම්බ 27 ඩෙටනේටර් 10 විශ්වමඩු ප්රදේශයේ පවත්වාගෙන ගිය පතරොම් නිෂ්පාදනාගාරයක් සොයා ගැනීමට 572 වන බල සේනාවේ සෙබළු සමත්විය. මෙහිදී මැෂින් 07ක් මේ සඳහා භාවිතා කර තිබෙන බව ආරක්ෂක වාර්තා සඳහන් කරයි. මේ අතර භට පිරිස් විසින් ත්‍රස්තවාදීන් විසින් පාවිච්චි කල වාහන, ඇසිඩ් බැරල් ඇතුළු බොහෝ යුද උපකරණ සොයා ගැනීමට සමත්වී තිබේ. උපකරණ ප්‍රමාණය ටොයෝටා ඩබල් කැබ් රථ 01 නිසාන් කැන්ටර් රථ 01 මි.මි. 81 මෝටාර් බෝම්බ 04 මි.මි. 60 මෝටාර් බෝම්බ 12 යුද ඇඳුම් 50 හඳුනානොගත් ඇසිඩ් ලීටර් 15 කෑන් 15 හඳුනානොගත් ඇසිඩ් ලීටර් 20 කෑන් 10 ම
ස්වෛරී රාජ්‍යයකට බලපෑම් කරන්න අපට සදාචාරාත්මක අයිතියක් නෑ
ඉන්දීය ස්වදේශ කටයුතු ඇමැති පී. චිදම්බරම් දේශපාලන නායකයන් මරා දමමින් ඉන්දු-ලංකා ගිවිසුම කුණු කූඩයට දැමූ එල්.ටී.ටී.ඊ.ය ලංකාවේ වර්තමාන තත්ත්වයට වගකිව යුතු යැයි ඉන්දීය ස්වදේශ කටයුතු ඇමැති පී. චිදම්බරම් මහතා ප්රකාශ කැර ඇත. ඇමැතිවරයා මේ බව කියා සිටියේ තමිල්නාඩුවේ මහජන රැලියක් අමතමිනි. ප‍්‍රභාකරන් දමිළ ජනතාවගේ එකම නායකයා නොවන බවද ශ‍්‍රී ලංකාවේ ජාතික ප‍්‍රශ්නය විසැඳීම සඳහා මෙවන් ආඥාදායකයෙකුට බලයට ඒමට උදවු කිරීමෙන් විසඳුමක් නොලැබෙන බවද ඔහු පවසා තිබේ. කිසිදු හමුදාවක් ත‍්‍රස්තවාදී කණ්ඩායමක් සමඟ සාකච්ඡාවට සූදානම් නැති බවද ප‍්‍රභාකරන් වහාම ආයුධ බිම තැබිය යුතු බවද මේ තාක් කිසිදු කාලයක අවිගත් කණ්ඩායමක් විසින් කළ ඉල්ලීම් සාර්ථක වී නැති බවද ඔහු ප්රකාශ කැර තිබේ. එල්.ටී.ටී.ඊ.ය අවි බිම තබා සාකච්ඡා කිරීමට කැමැත්තක් දක්වන්නේ නම් ශ‍්‍රී ලංකා රජයට යුද්ධය නැවැත්වීම සඳහා ඉන්දියාව බලපෑම් කරනු ඇතැයිද ප්රකාශ කැර ඇති චිදම්බරම් මහතා ඉන්දියාවට ජම්මු කාශ්මීරයේ සන්නද්ධ කණ්ඩායම් සමඟ සාකච්ඡා කිරීමට නොහැකි නම් තවත් ස්වෛරීය රාජ්‍යයකට සන්නද්ධ කණ්ඩායමක් සමඟ සාකච්ඡා කරන ලෙස කීමට සදාචාරාත්මක අයිතියක් නැති බවද සඳහන් කර ඇත
කොටින් සතුව තිබූ මි.මී. 130 වර්ගයේ කාලතුවක්කුවක් සහ බැරලයක් හමුදාව යටතට
පුතුකුඩිඉරිප්පු බටහිර ප්රදේශයේ සෝදිසි මෙහෙයුම් දියත් කරමින් සිටින ලුතිනන් කර්නල් ජයනාත් ජයවීරගේ අණදීම යටතේ ක්‍රියාත්මක වන 533 වන බල සේනාවට අයත් 5 වන විජයබාහු පාබල රෙජිමේන්තුවේ භට පිරිස් විසින් ඊයේ (පෙබ 16) උදෑසන එල්.ටී.ටී.ඊ. ත්‍රස්තවාදීන් සතුව තිබූ මි.මී. 130 වර්ගයේ කාලතුවක්කු අවි 2ක බැරල් සොයා ගැනීමට සමත් වී ඇත. කාලතුවක්කු අවි වල අනෙකුත් කොටස් සොයා සෝදිසි මෙහෙයුම් දියත් කළ භට පිරිස් විසින් මේ වන විට එක් කාලතුවක්කු අවියක සියළුම කොටස් සොයා ගැනීමට සමත් වූ බව ආරක්ෂක වාර්තා සඳහන් කරයි. මෙම අවි පොලොව යට වළ දමා තිබියදී සොයා ගෙන ඇති අතර ඒවා වළ දැමීමට ප්‍රථම ග්‍රීස් තවරා පොලිතීන් වලින් ආවරණය කර තිබූ බව ආරක්ෂක ආරංචි මාර්ග සඳහන් කරයි. හමුදා ප්‍රහාර හමුවේ පලා යන ත්‍රස්තවාදීන් මෙම අවි රැගෙන යාමට නොහැකි නිසා මෙලෙස වළ දමා යන්නට ඇතැයි විශ්වාස කෙරේ. මේ වන විටත් ප්රදේශයේ සෝදිසි මෙහෙයුම් දියත් කෙරෙමින් පවතින බව වාර්තා සඳහන් කරයි.
එල්ටීටීඊය පලායන සිවිල් වැසියන් ඝාතනය කරනවා - එක්සත් ජාතීන්ගේ සංවිධානය
එල්ටීටීඊ සංවිධානය මෙරට ගැටුම් පවතින ප්රදේශයෙන් පලා යාමට තැත් කරන දස දහස් ගණනක් සිවිල් වැසියන් වළක්වාලමින් ඔවුන්ට වෙඩි තබන බව හා සමහර අවස්ථාවලදී ඝාතනය කරන බව එක්සත් ජාතීන්ගේ සංවිධානය පවසයි. ශී‍්‍ර ලංකාවේ පවතින තත්ත්වය සම්බන්ධයෙන් නිවේදනයක් නිකුත් කරමින් එම සංවිධානය මේ බව පවසයි. එල්ටීටීඊය දැනට කොටුවී සිටින සීමිත භුමි ප්රදේශයේ නිරායුධ සිවිල් වැසියන් දහස් ගණනක් බලහත්කාරයෙන් රඳවාගෙන සිටින බව ද වාර්තාව පෙන්වා දෙයි. එල්ටීටීඊය සිවිල් වැසියන් ඝාතනය කරන බව ද ඔවුන්ට පලා ඒමට ඉඩ නොදී බලහත්කාරයෙන් රඳවා තබා ගන්නා බව ද පෙන්වා දෙන එක්සත් ජාතීන්ගේ කොළඹ කාර්යාලය වයස අවුරුදු 14ට අඩු ළමුන් බලහත්කාරයෙන් යුද්ධයට බදවා ගැනීම තවදුරටත් සිදු කරන බව ද පවසයි. මුදා නොගත් ප්රදේශයේ කටයුතු කරමින් සිටි එක්සත් ජාතීන්ගේ සංවිධානයේ කාර්ය මණ්ඩලයේ 15 දෙනෙකු හා කාන්තාවන් 40 දෙනෙකු හා ළමුන් 35 දෙනෙකු ඇතුළු ඔවුන්ගේ පවුල්වල සාමාජිකයන් 75 දෙනෙකු ද එල්ටීටීඊය බලහත්කාරයෙන් රඳවාගෙන සිටින බව එක්සත් ජාතීන්ගේ කොළඹ කාර්යාලය සිය නිවේදනයෙන් පෙන්වා දෙයි. මෙම පිරිස අතර හදිසි ප්රතිකාර අවශ්‍ය ශ්වසන ආබාධ සහිත ළමුන් ද සිටින බව එම නිදෙනයේ